ITA: Iceland Travel Assistance
ITA er þjónustufyrirtæki sem sérhæfir sig í bókunarþjónustu fyrir íslenskan ferðaiðnað, auk ferðaþjónustu á Grænlandi og í Færeyjum.
Fyrirtækið rekur gjaldeyrisviðskipti (Money Exchange) og þjónustar erlenda ferðamenn með endurgreiðslu á virðisaukaskatti (VAT). Samhliða þessu rekur ITA fimm verslanir sem selja einkum íslenska hönnun ásamt ferðatengdri vöru.
Fyrirtækið hóf starfsemi í júlí 2002 undir nafninu Netvísir og síðan Iceland Travel Mart. Bæði nöfnin eru enn í gildi og nú hefur Iceland Travel Assistance bæst við og verður það aðalheiti fyrirtækisins gagnvart ferðaþjónustuaðilum. Höfuðstöðvar ITA eru í Grófartorgi, Vesturgötu 2 í Reykjavík.
Markmið fyrirtækisins að bjóða fjölþætta þjónustu á öllum sviðum ferðaiðnaðarins, sem mætir kröfum nútíma ferðamanna. ITA stefnir einnig að því að byggja upp fjölþætta þjónustu og markaðslausnir á sviði ferðaiðnaðar á Íslandi. Starfsmenn fyrirtækisins eru stöðugt að leita nýrra tækifæra og bjóða ferðaþjónustuaðilum lausnir sem mæta kröfum ferðamanna. Til að ná þessu markmiði mun ITA:
-
bjóða framúrskarandi vörur og þjónustu á samkeppnishæfu verði
-
byggja upp og viðhalda samböndum við viðskiptavini
-
stuðla að nýsköpun og taka þátt í ört vaxandi ferðaþjónustu á Íslandi
-
leita samstarfs við önnur fyrirtæki í ferðaiðnaðinum um athygliverð verkefni
-
stuðla að vexti ITA í gegnum arðsöm verkefni sem skila sér í góðri afkomu til fyrirtækisins og starfsmanna
Reykjavík City Guide
Iceland Travel Assistance í samvinnu við Iceland Today geftur út Reykjavík City Guide. Bæklingurinn kemur út einu sinni á ári og inniheldur víðtækar upplýsingar sem ferðamenn þurfa á að halda um viðburði, menningu, listir, veitingastaði, verslanir, skoðunarferðir og afþreyingu. Í Reykjavík City Guide geta erlendir ferðamenn nálgast hagnýtar upplýsingar um það sem er á döfinni í höfuðborginni á aðgengilegan hátt.
Sjá nánar hér.
Listi yfir starfsmenn hér